ЗГХА Ойн газрын Ойн нөхөн сэргээлтийн хэлтсийн дарга Б.Ганзориг “Тэрбум мод” үндэсний хөдөлгөөний хэрэгжилтийн талаар илтгэл тавин уулзалтыг эхлүүлэв. Уг уулзалтыг Монгол Улсын их сургуулийн Ойн хүрээлэнтэй ЗГХА Ойн газар хамтран зохион байгууллаа. Мөн, их сургуулиуд, эрдэм шинжилгээний байгууллагуудын төлөөллүүд оролцон илтгэл тавьж, “Тэрбум мод” үндэсний хөдөлгөөний хүрээнд хийж, хэрэгжүүлсэн ажлуудаа хэлэлцэв. Уг уулзалтад ЗГХА Ойн газрын Ойн нөхөн сэргээлтийн хэлтсийн дарга Б.Ганзориг “Тэрбум мод” үндэсний хөдөлгөөний хэрэгжилтийн талаар илтгэл тавив. 

Мөн “Тэрбум мод” үндэсний хөдөлгөөний хүрээнд ШУА-ийн Газарзүй геоэкологийн хүрээлэнгийн Ойн нөөц, ой хамгааллын салбарын гүйцэтгэсэн ажлын үр дүнгээс, Цөлжилт, газрын доройтлыг бууруулах ойн нөхөн сэргээлт, “Тэрбум мод” үндэсний хөдөлгөөнд ШУТИС-ын харьяа ОМССХ-ийн оролцоо, “Нийслэлийн ногоон байгууламжийг нэмэгдүүлэх боломж, түүнд ОУУБИС-ийн оролцоо, Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд ХААИС, АЭС-иас хэрэгжүүлсэн ажлын үр дүн, “Тэрбум мод” үндэсний хөдөлгөөнд Ботаникийн цэцэрлэгт хүрээлэнгийн оролцоо зэрэг сэдвүүдээр оролцогч талууд илтгэл тавилаа.