Чингис, 2023 оны арванхоёрдугаар сарын 7 /МОНЦАМЭ/ “Тэрбум мод” үндэсний хөдөлгөөний хүрээнд 2023 онд хийсэн ажлуудыг шалгах ажлын баг Баян-Адарга суманд ажиллав.

Тэд тарьсан модыг тоолж хүлээн авах болон сумдын байгаль хамгаалах, нөхөн сэргээх арга хэмжээний зардлаар хийсэн ажлын гүйцэтгэлд хяналт тавих зорилготой ийнхүү сумдад ажиллаж байна. Баян-Адарга сумын хувьд “Тэрбум мод” үндэсний хөдөлгөөний хүрээнд 2030 он хүртэл нэг сая таван зуун мянган мод тарихаар төлөвлөжээ. Харин энэ жилийн тухайд ойжуулалт болон ногоон байгууламжийн зориулалтаар тус бүр 10000 ширхэг мод тарьж ургуулахаас 26000 мянган ширхэг мод тарьсан байна.

Мөн Баян-Адарга сум ойн зурвасыг хамгаалах, ногоон байгууламжийг нэмэгдүүлэх зорилгоор 1.4 га орчим талбайг хашаажуулж, 7500 ширхэг хайлаас, улиас модыг тарьжээ.