Монгол Улсын Ерөнхийлөгч Ухнаагийн Хүрэлсүхийн санаачилсан “Тэрбум мод” үндэсний хөдөлгөөнийг дэмжин ОХУ-ын Красноярск хот, Красноярскийн хязгаарын мэргэжлийн байгууллагатай хамтран Монгол Улсын газар нутгийг ойжуулах ажил бусад төсөл, хөтөлбөрийг хамтран хэрэгжүүлэхээр хамтарсан ажлын хэсэг байгууллаа.

Хоёр тал 2030 он дуустал хамтран зохион байгуулах ажлуудаас дурдвал:

-Монгол Улсын Ерөнхийлөгч Ухнаагийн Хүрэлсүхийн санаачилсан “Тэрбум мод” үндэсний хөдөлгөөнийг бүрэн дэмжин ажиллана, ойн аж ахуйд хэрэглэх усан хангамжийн системийг хөгжүүлнэ, Монгол Улсын ойн нөхөн сэргээлтийн үйл ажиллагааг оновчтой зохион байгуулахын тулд нутаг дэвсгэрийн хөр, цаг уур, мод, бутлаг ургамлын тархцын судалгааг хамтран хийх, ойн салбарын боловсон хүчнийг сургах, мэргэшүүлэх зорилгоор ОХУ болон Монголын эрдэм шинжилгээ, боловсролын байгууллагын хамтын ажиллагааг дэмжих болон ОХУ-ын мэргэжлийн байгууллага дээр нь сургах, дадлага хийлгэх үйл ажиллагааг зохион байгуулна.

Хамтарсан ажлын хэсэг байгуулах хуралд Монгол Улсаас ОХУ-ын Красноярск хот, Красноярскийн хязгаарт суугаа Өргөмжит консул, Соёлын элч Е.А. Кузьмин, ЗГХА Ойн газрын Ойн нөхөн сэргээлтийн хэлтсийн дарга Б.Ганзориг нар байлцлаа.